Këshilli Bashkiak i Durrësit zhvilloi mbrëmë mbledhjen tjetër emergjente, ku në rend dite kanë qenë dy projekt-vendime: 1- për miratimin e krijimit të strukturës së përkohshme me 100 punonjës të fushës së ndërtimit për një afat 3 mujor, pranë ndërmarrjes rruga për realizimin e punimeve në objektet e banimit të ndërtuara para viteve ‘93 dhe të dëmtuara nga tërmeti. 2- për disa shtesa dhe ndryshime në listën paraprake të familjeve të prekura nga tërmeti të cilat do të përfitojnë nga subvencionimi i qirasë. Nga ana tjetër, grupet e inspektimit vijojnë punën në terren. Nga komunikimi i fundit deri tani vetëm në Bashkinë Durrës janë inspektuar 2129 banesa, janë shpallur të pabanueshëm 651 pallate dhe janë evidentuar për t’u prishur 93 të tjerë.