Shqiptarët vijojnë të preferojnë më shumë prodhimet e importit, pasi prodhimi vendas nuk gëzon besimin masiv, ndryshe nga sa ndodh në rajon, ku qytetarët në përqindje të larta janë pro konsumit të produkteve vendase. Sipas anketës së fundit “Barometri i Ballkanit 2020”, vetëm 65 shqiptarëve zgjedhin që të konsumojë prodhime vendase, kundrejt 32 për qind që dëshirojnë të konsumojnë prodhime nga Evropa Perëndimore. Në vendet e tjera ballkanike preferencat janë për prodhimet vendase. Sipas anketës 91 për qind e boshnjakëve preferojnë të konsumojnë prodhimet e tyre. Në po këto përqindje preferojnë të konsumojnë prodhimet e tyre edhe Mali i Zi dhe Serbia. Në Maqedoni kjo përqindje është më e ulët në nivelin 82% , por gjithsesi është me lartë se në vendin tonë. Kosova ka përqindjen më të ulët të besimit në konsumin e prodhimeve vendase, pas Shqipërisë ku vetëm 71 për qind e tyre preferojnë të konsumojnë prodhime vendase, kundrejt 21 për qind të tyre që preferojnë prodhime nga vendet perëndimore të Evropës. Me të ftuarin e radhës do të mundohemi të bëjmë dyshuesin dhe akuzuesin. Ndërsa ai do të mundohet të bëjë avokatin e produktit “Made in Albania”