Ka qenë një muaj sfidues organizimi i projektit, "Muzika mbi të gjithë kufijtë: tregime të reja për një Ballkan melodioz". Muzika e “Ballkanit” është kënduar në Shkodër dhe deri më tani janë mbajtur dy koncerte ndërsa sonte do të organizohet nata finale me muzikë ballkanike nën udhëheqjen e drejtorit artistik Lorenc Radovani. Në një lidhje direkte nga Shkodra mëngjesin e sotëm në “Wake Up” u përcoll një pjesë nga atmosfera e veçantë e formacionit “ARKestra”, duke ftuar artdashësit shkodranë dhe jo vetëm të shijojnë natën finale në sheshin e Shirokës. Duke iu referuar kësaj eksperience unike dhe me cilësi, udhëhëqësi artistik Lorenc Radovani rrëfeu se po mendojnë ta kthejnë në traditë këtë koncert.