Olgert Haxhi me profesion shofer i transportit publik jeton prej 16 vitesh në Itali, në qytetin Castelnuovo di Garfagnana, provinca e Luça-s, në zonë e Toskanës. Quhet Olgert Haxhi dhe shërben si shofer i transportit publik për fëmijë, por jo vetëm. Ai ka 30 ditë i vetizoluar. Ai dhe babai i tij kanë rezultuar pozitiv me Kovid -19. Ka qenë data 9 mars kur babai i tij ka shfaqur shenjat e para të këtij virusi dhe dy ditë më vonë i ka shfaqur vetë Olgerti. Ai është infektuar nga shefi i tij, i cili ka qenë dhe pacienti zero në qytetin e Castelnuovo di Garfagnana, i cili tashmë për fat të keq nuk jeton më. Babai i tij ka qëndruar 20 ditë në spital nën kujdesin e mjekëve dhe ka vetëm pak ditë që ka dalë nga spitali. Si Olgerti ashtu edhe babai i tij tashmë janë të izoluar në shtëpi të ndryshme, për të mos pasur kontakt me njëri – tjetrin pasi ende nuk kanë kryer tamponët e radhës për t’u informuar nëse tashmë rezultojnë negativ nga ky virus. Për më tepër rreth kësaj situate na tregoi sot Olgert Haxhi.