Wake Up/ Automjetet elektrike, si zgjidhje për transportin në Shqipëri? Gonxhja zbulon projektin

Ndotja e ajrit nga tymi i automjeteve është një ndër problemet më kryesore në Shqipëri, sidomos në Tiranë ku edhe qarkullimi i tyre është më i dendur. Vetëm në dy javët e para të izolimit, u vu re një përmirësim i dukshëm i cilësisë së ajrit. Por kjo zgjati pak pasi tani i jemi kthyer ditëve të zakonshme me trafik dhe ndotje në maksimum, gjë e cila ndikon drejtpërdrejt në shëndetin tonë. Sikurse kemi parë edhe në vende të ndryshme të botës, makinat elektrike mund të jenë një zgjidhje e mirë për të minimizuar ndotjen. Por sa e afërt do të jetë dita kur ato të përdoren gjerësisht edhe në Shqipëri?! Këtë diskutuam sot me Blendi Gonxhen, Drejtorin e Përgjithshëm të Transportit Rrugor.