Ai zgjodhi që pak ditë më parë të celebrohej nga kryebashkiaku i Tiranës, Erion Veliaj dhe duket se ka diçka në plan në të ardhmen përsa i përket politikës. “Deri në moshën 32-vjeçare do të qendroj në këtë sport dhe në këtë moshë është kulmi i garës time. Të gjitha rekordet janë vënë pas moshës 27 apo 28 vjeç ndërsa ato botërore në moshën 30-vjeçare. Ndoshta në të ardhmen pasi të lë sportin edhe mund të angazhohem në politikë dhe nuk do t’i thoja jo një ftesë të tillë.” Ndërkohë i pyetur për sesi po vijon karriera sportive pas dëmtimit që pati atleti u shpreh se pandemia i ka prishur plane të shumta për garat e ndryshme në pistën e tij të zemrës, megjithatë tashmë ai është më shumë se gati për garat e vitit 2021, i cili njihet dhe si viti i atletikës. “Pas ndërhyrjes në minisk jam 100% gati për garat e radhës. “Kam dy muaj që stërvitem për garat tek liqeni tek pista e re me standarde europiane dhe botërore. Të dielën nisem për Bullgari ku do të qendroj për një periudhë 3-mujore. Më presin shumë gara, kampionati i parë është ai ballkanik që zhvillohet me datë 20 shkurt, kampionati europian, botërori dhe më pas Olimpiada. Po shkoj në Bullgari duke qenë se këtu na mungojnë sallat e mbylluara, ndryshe do qendroja këtu. Synoj kampionatin europian që mbahet me datë 6 mars në Poloni”.