Mesa duket rastet e asfiksisë tek njerëzit, në veçanti në këtë periudhë të vitit nuk janë të pakta. Ndonëse kemi dëgjuar se ato kanë qënë më së shumti nga ngrohja e sobave me dru, me gaz, nga mangalli me prush, asfiksitë tek pacientët vijnë dhe nga arsye të tjera. Në pjesën më të madhe ato kanë qenë fatale për jetën, ndërkohë që shumica vijnë si pasojë e mos informimit si duhet, dhe mënyrës së reagimit se si duhet të veprojmë, kur një pacient shfaq shenja të asfiksisë. Asfiksia mund të ndodhë në kushtet e shtëpisë, në ambientet ku punojmë, apo edhe mjediset që zgjedhim për tu argëtuar, koncertet masive etj. Sipas organizatës Botërore të Shëndetësisë, rreth 3 miliardë njerëz në të gjithë botën gatuajnë ose ngrohen me lëndë djegëse të ngurta (dru ose qymyrgur) ose gatuajnë sipër flakëve. Kjo mënyrë e ngrohjes apo edhe gatimit e bashkuar edhe me ajrosjen e dobët, çon në rritjen e nivelit të ndotjes së ajrit brenda shtëpisë, që mund të jetë një rrezik i shtuar drejt asfiksisë. Por pse ka një rritje të rasteve nga asfiksia? Për të marrë një informacion rreth shkaqeve se pse ndodh dhe si duhet trajtuar, sot do ta diskutojmë këtë temë me mjekun