Greqia shënoi një rekord të ri pardje kur raportoi 1547 raste të reja ditore me Covid-19, duke e shtyrë vendin drejt një mbylljeje të dytë. Disa rajone tashmë janë vënë nën karantinë, një pjesë e tyre që nga ora 06.00 e ditës së djeshme. Janina dhe Serresi, ishin dje dy rajonet që u mbyllën, duke iu bashkuar rajoneve tashmë të mbyllura si Kastoria dhe Kozani, të cilat kaluan në nivelin 4 të rrezikut javën e kaluar. Mes masave shtrënguese të detyruara në këto rajone janë mbajtja e maskës jashtë dhe brenda çdo ambienti, shtetrrethimi nga ora 12.30 e natës deri në 05.00 të mëngjesit, lëvizja jashtë këtyre rajoneve dhe grumbullimi në vende publike dhe private. Të mbyllura do të jenë gjykatat, zyrat e hipotekave, sitet arkeologjike, koncertet, kinematë, lokalet e natës, baret dhe restorantet, këndet e lojërave, të gjitha aktivitetet sportive, qendrat fitness, tregjet e fundjavës dhe tregjet e tjera...