Wake Up/ Arkitektët: Gjatë pandemisë u rrit kërkesa për lule dhe banaqe në parvaze ballkonesh

Shfrytëzimi sa më mirë i hapësirës në shtëpi dhe në zyrë mund të themi se ka ndryshuar rrënjësisht për shkak të pandemisë. Ky vit mund të thuhet se sjell brenda ambienteve tona të banimit natyrën. Në botë shtëpia trend e 2020 merr nuancat e rërës së shkretëtirës. Ngjyrat këtë vit janë në modë, ambientet komode dhe të ngrohta. Ngjyrat që do të mbizotërojnë janë afër nuancave të natyrës, ngjyrat e tokës dhe të vjeshtës si kafe, bezhë, mustardë, okër. Ndërkohë në Shqipëri, pati tjetër trend gjatë pandemisë. Arkitektët Agisa Xhemalaj dhe Donald Lutaj se trendi ishte për të shtuar gjelbërimin brenda shtëpisë, luleve dekorative etj. Por është vënë re dhe një tjetër trend interesant sidomos gjatë izolimi kur restorantet dhe baret ishin të mbyllura ishte rritja e kërkesave nga qytetarët për të bërë banaqe, tip lounge në parvazet e dritareve dhe ballkoneve por dhe të një këndi pune në mjediset e shtëpisë.