Mëngjesin e sotëm në emisionin “Wake Up” në Top Channel ishte e ftuar bloggerja dhe moderatorja nga Kosova Argjira Spanca. Ajo tashmë prej dy sezonesh jeton në Tiranë, për t’ju përkushtuar maksimalisht punës së saj në televizion. Fakti që në “E diell” në Top Channel “sundojnë” vajzat e bukura, Argjira është pyetur për marrëdhëniet që ka me to, më konkretisht me Fjoralba Ponarin, Nevina Shtyllën dhe Alesia Bamin. “Kam krijuar shoqëri sidomos me Fjoralbën, e kam shumë afër pasi na është përshtatur shumë karakteri. Alesia ka qenë më e tërhequr si natyrë në fillim, por tashmë ka filluar ta shfaqë natyrën e saj të dashur. Edhe Nevina është shumë korrekte. Mbase ngaqë jam nga Kosova më kanë trajtuar mirë. Në fillim mund të ketë pasur pak mosmarrveshje, duke qenë se jemi disa, por Manushi në mbledhje i ndan gjërat dhe kështu që nuk ndodh të ketë hatërmbetje mes nesh”- u shpreh Argjira.