A e dini që në momente të caktuara gjatë natës , mund të mos merrni frymë për disa sekonda...ose mund të gërhisni dhe nuk e dini që kjo ndodh......Në fakt këto janë shenja të një çrregullimi që ndodh gjatë gjumit dhe që quhet sindroma e Apneve Obstruktive të gjumit. Ky çrregullim duket se është diçka e zakonshme në popullatë, pasi ka një përhapje të konsiderueshme te të gjitha moshat , por edhe tek të dyja gjinitë. Studime të ndryshme në SHBA, kanë arritur në konkluzionin se nga apnea e gjumit vuajnë rreth 18 milionë amerikanë të rritur dhe deri në 10% e fëmijëve të moshave pediatrike. Apnea e gjumit ekzaminohet dhe trajtohet, pasi në të kundërt ajo mund të jetë dhe fatale për jetën. Por sa e lehtë është për tu dalluar Apnea e gjumit dhe si është përhapja e saj në popullatën shqiptare. Dr. Holta Sulaj ndau sot me ne disa fakte interesante në lidhje me këtë çrregullim, mjeken otorinolaringologe.