Mëngjesin e sotëm në studion e “Wake Up” ishte e ftuar pianistja Ana Kaçinari, motra e këngëtarit Gjergj Kaçinari e cila pak ditë më parë ka prezantuar projektin ““Elise in Wonderland”, e inspiruar nga vepra e Beethoven, Für Elise. Ajo theksoi se shtysa e saj për t’u mediatizuar ka qenë pikërisht vëllai i saj Gjergji i cili është marrë dhe me arranxhimin e këtij projekti. Ajo theksoi se për këtë projekt ka punuar përgjatë periudhës së karantinës. Ana i ka filluar mësimet e para për piano kur ka qenë vetëm 5vjeç dhe më pas filloi Liceun Artistik “Jordan Misja” dhe pas diplomimit ndoqi studimet pas universitare në Itali në “Arts Academey”. Po flasim për pianisten Ana Kaçinari, me të cilën në fakt s’kishte si të ndodhte ndryshe duke qenë se vjen nga një familje me dy prindër muzikantë. Kujtojmë këtu se Ana është motra e madhe e këngëtarit, Gergj Kaçinari. Fundjavën që lamë pas Ana ka prezantuar projektin e ri “Elise in Wonderland”, një projekt të bazuar në veprën e famshme të Beethoven e cila pret të pasohet nga produksione të tjera të veprave po kaq të njohura. Nga ana tjetër Ana prej rreth 8 vitesh është pedagoge në Universitetin e Arteve.