Nga sot deri më 12 janar në skenën e ArTurbina do të ngjitet në skenë komedia Revizori e shkrimtarit rus Nikolai Gogol me regji të Driada Dervishit, ku Amos Zaharia luan rolin e Hlestakovit, një qeveritar i një rangu të lartë, një nënpunës skrupuloz apo qejfli femrash e ushqimi. Amos në fakt duhet thënë se ka qenë shumë i angazhuar vitet e fundit sidomos në teatër dhe duket se preferon filmin më shumë. Ai rrëfeu sot se dashuria e tij më e madhe është filmi dhe lidhur më ketë kujtoi dhe rolin e tij të parë pikërisht kur ai ishte 12 vjeç në filmin “Vals”. Ai u shpreh se përgjatë provave shpullat për rolin e tij ishin fare të papërfillshme, por në dublën kryesore rrëfeu se i kishin bërë sytë xixa, duke u shprehur se shpulla e Bujar Asqeriut nuk kishte qenë aspak e lehtë.