Megjithatë përveҫ atyre që janë në institucione, ka një numër të madh të jetimëve që ndodhen jashtë këtyre dyerve. Problem është për ata që kanë mbushur moshën 18 vjeҫ dhe nuk dihet se ҫfarë do të ndodhë me ata. Një rol kryesor në këtë drejtim duhet të luajë edhe pushteti lokal. Ne do të kemi në një lidhje në skype me Ilir Ҫumanin për të kuptuar më shumë për situatën aktuale të jetimëve në kohën e koronës. "Janë rreth 122 jetimë të moshës mbi 18 vjeç që jetojnë pa përkrahje, pa mbështetje, pa asistencë dhe të papunë që po mbijetojnë me vështirësi dhe pa frikë mund të them që janë në pragun e urisë. I bëj thirrje qeverisë që ka përgjegjësinë ligjore dhe sociale për ti mbështetur këtë kategori de sidomos në këtë situatë të vështirë që po kalojmë të gjithë. Ata nuk kanë asnjë burim të ardhurash dhe për të ngrënë bukë. I bëj thirrje kryeministrit të vendit ta kthejë vëmendjen tek kjo kategori dhe t'i përfshijë urgjentisht dhe ata në paketën e ndihmës ekonomike. Është kjo qeveri që i ka fshirë nga skema e ndihmës ekonomike këtë kategori, i ka përjashtuar nga politika e strehimit por sot do ti bëja thirrje që në këtë situatë të përfshihen në paketën e ndihmës financiare që ka kjo qeveri me situatën e pandemisë. Do i bëja thirrje dhe komunitetin të biznesit por dhe fondacioneve të ndryshme ti mbështesin këtë ta rinj jetimë. Ka raste që ata ushqehen me bukën thatë që gjejnë në furrat e bukës si lëmoshë dhe kjo është e trisht"- tha Ilir Çumani Drejtor i Përgjithshëm i Institutit Kombëtar të Integrimit të Jetimëve Shqiptare