Genti është angazhuar për të ndihmuar ata që kanë më shumë nevojë në njësinë minibashkiake nr 5, aty ku ai banon. Nisma që ai ka ndërmarrë quhet "fushat n'pallat" dhe ai nxit të gjithë banorët e pallatit të vet por edhe këdo tjetër që të dhurojnë të paktën 20 lekëshin që do të linin bakshish në kafene. Të ardhurat e grumbulluara shkojnë për ata pensionistë apo persona në nevojë. I pyetur se përse mungojnë fotografitë në faqen e tij të Instagramit të kësja nisme e tij teksa dërgon pakot me ushqime familjeve në nevojë aktori thotë se nuk do ta bëjën kurrë një gjë të tillë. "Nëse ka diçka që më duket diskriminuese është pikërisht fotot de videot që publikohen duke dërguar pako te familjet në nevojë. Mendoj se është shumë diskriminuesetë publikosh fytyrat e atyre njerëzve. Po ashtu nuk do të më shihni duke bërë foto me kryetarin e Bashkisë për nismën "Fushatë n'pallat" dhe as të kandidoj për ndonjë post në Këshillin Bashkiak pas kësaj"- thumbon aktori. Përmes nismës së tij personale dhe që është përkrahur nga shumë artistë shqiptarë "Fushatë n'pallat"u vjen në ndihmë individëve në nevojë apo gjyshërve që kanë mbetur vetëm në shtëpi që t'i sigurohen ilaҫe, ushqime, apo produkte të tjera të paktën për një periudhë disa javore. Genti, përmes administratorëve të pallateve dhe përfaqësuesve të tjerë administrativë, kanë piketuar ato familje apo persona që kanë vështirësi ekonomike dhe iu telefonojnë për t'i ҫuar ndihmat në shtëpi.