Kombëtarja shqiptare e vajzave U-16 ka treguar një performancë të shkëlqyer në UEFA Development Tournament ku ka fituar edhe në ndeshjen e tretë ndaj ekipit të Malit të Zi me rezultatin 5-2. Vajzat e drejtuara nga tekniku me përvojë Agustin Kola, kanë triumfuar në të tre ndeshjet, 3-1 ndaj Lituanisë, 3-1 ndaj Gjeorgjisë dhe 5-2 ndaj Malit të Zi. Federata Shqiptare e Futbollit i ka dhënë një rëndësi të veçantë këtij turneu duke e organizuar në dy stadiumet kombëtare, “Air Albania” dhe “Elbasan Arena”, ku pati mijëra tifozë. FSHF e ka shpallur futbollin e fëmijëve dhe femrave si prioritetin qendror të gjithë aktiviteteve për vitin 2020. Një risi e ndeshjeve të këtij turneu ndërkomëbtar është se ato u gjykuan nga arbitret femra.