Pas një pune kolosale për operacionin e kërkim shpëtimit në hotelin në Durrës, Adriatik Bode arriti të dalë me shumë sukses. Pasi ka dëgjuar zërat e ekipit të kërkimit shpëtimit dhe pasi ka komunikuar vazhdimisht me ta. 33-vjeçari i ndodhur nën rrënoja në hotel “Mira Mare” në Durrës në momentin e kontaktit të parë me komandantin dhe efektivët ka kërkuar që ta nxjerrin nga rrënojat me fadromë, vetëm e vetëm që të shpëtonte nga aty. Sigurisht komandanti dhe efektivët kanë ruajtuar qetësinë e tij, duke thënë që do ta nxirrnin nga aty brenda pak minutave. Në përfundim e sipër të këtij procesi, Adriatiku ka kërkuar në fund “Më lini, dal vetë”. Ai ka dashur të dalë me këmbët e veta nga rrënojat. “Kjo është një jetë e dytë për të”, u shpreh komandanti i këtij operacioni Jonus Murataj. Ata u shprehën në Wake Up, se është me shumë rëndësi që të ruanin qetësinë e Adriatikut në mënyrë që ky operacion mos të ishte fatal.