Mjekët nutricionist, dietologët apo ekspertët ushqimorë në të gjithë botën i bëjnë apel qytetarëve që të kujdesen për mënyrën e të ushqyerit në këto javë të izolimit në shtëpi. Vihet re një tendencë që të blejmë sa më shumë produkte ushqimore dhe për rezultat edhe të konsumojmë më tepër sesa duhet. Kjo gjë mund të na sjellë probleme me shëndetin. Po ashtu edhe disa ushqime nuk rezistojnë për një kohë të gjatë. Por mbi të gjitha ne duhet të konsumojmë ato fruta, perime apo produkte të tjera ushqimore të cilat na rrisin imunitetin në rast të prekjes nga ndonjë virozë apo virusi në fjalë. Jo më kot edhe OBSH-ja ka nxjerrë disa rekomandime lidhur me larmirshmërinë e vakteve që duhet të konsumojmë, kujdesin me kripën, sheqerin apo yndyrën; frutat e freskëta, lëngjet, perimet, fruta të thata...etj. Po ashtu edhe suplemente si zinku apo vitamica C janë cilësuar si të rëndësishme për t'u përdorur sidomos në këtë periudhë. Nutricionistja, Diola Dosti dha recetën e ushqimeve që sipas taj do të na ndihmojnë ta luftojmë koronavirusin. "Më vjen mirë që OBSH-ja e ka vlerësuar rëndësinë e ushqyerjes në këtë kohë. Do të këshilloja drithërat, fasule, thjerrëza, portokalle. Nuk jam dakord me përdorimin e vajit të palmës dhe me ushqimet e konservuara, nga lista e atyre që ka klasifikuar OBSH-ja. Sidomos ushqimet e konservuara ndikojnë edhe tek fëmijët që mund të kenë probleme të spektrit të autizmit. Simptomat e të prekurve me Kovid janë të ngjashme me ata që kanë defiҫencë të zinkut në organizëm. Jo më larg se dje më erdhi një studim që tregonte se konsumi i zinkut nuk lejon shumimin e virusit. Rekmandohet që të merret edhe si preventiv, si parandalues. Forma më e mirë për ta marrë është në ushqime si ҫokollata e zezë, perime, kërpudhat, algat por edhe si suplemente. Vitaminat dhe mineralet janë të nevojshme në këtë kohë. Vitamina C po ashtu është e domosdoshme. Edhe në New York po merret në mënyrë intravenoze vitamina C. Të hiqet dorë nga mishi sepse ekzistojnë disa studime që tregojnë se ai mund të krijojë vështirësi në aparatin e frymëmarrjes. Do të propozoja që të jemi sa më shumë vegjetarianë të paktën në këtë periudhë."- tha ajo