Zakonisht mungesa e financave për të shkuar në palestër është arsyetim i shumë njerëzve për të shmangur ushtrimet fizike. Në botën e teknologjisë gjithnjë e më shumë janë shtuar aplikacionet që na mundësojnë të bëjmë ushtrime fizike edhe në kushtet e shtëpisë. Sworkit Lite, 7-minute workouts, Push-ups, etj janë disa prej aplikacioneve që servirin ushtrime për çdo person që dëshiron të jetë në formë. Duke filluar nga joga, zgjatje, pilate etj, mjafton të zgjidhni një opsion tek aplikacioni që keni në celular e më tej të ndiqni trajnerin në video që ju tregon se çfarë të bëni… Duke qenë se këto janë aplikacione pa pagesë të gjithë joshen për t'i pasur në telefona duke i zëvendësuar në një fare mënyre profesionistët që merren me përgatitjen e duhur të fizikut. Aplikacioneve të ushtrimeve në kushtet e shtëpisë i shtohet dhe një listë e gjatë app-esh që servirin mënyra se si të ushqehesh apo të ndjekësh një dietë të caktuar kalorish. Për shembull një nga këto aplikacione është "Lose" i cili i lejon përdoruesit e tij të numërojnë kaloritë në ushqimin e tyre, duke ngarkuar fotografi. Por a është kjo rruga e duhur? Për këtë temë sot në studio ishim instruktorin, Jurgen Veizi.