Ministrja e Shëndetësisë Ogerta Manastiliu njoftoi se janë porositur edhe rreth 30 mijë teste të tjera për situatën Kovid-19 në Shqipëri. A keni ju një projeksion të kësaj sëmundjeje, a duhet të frikësohemi kur Kovid-19 të rikthehet në shtator-tetor siç kanë parashikuar dhe specialistët. Eugena Tomini, Shefe e Inteligjencës Epidemiologjike në ISHP tha se parashikimet dhe projeksionet ekzistojnë dhe në bazë të tyre ISHP është mbështetur në ecurinë e epidemisë në Shqipëri. "Duhet theksuar që Kovid-19 pavarësisht intensitetit të zbutur që ka pasur në Shqipëri dhe pretendohet deri nga fundi i majit të hasemi vetëm raste sporadike. Por sigurisht duhet të kalojnë shumë muaj që Kovid të ulë vilurencën dhe stabilizohet derisa të kthehet si një situatë gripale deri në momentin kur dhe vaksina të jetë funksionale. Por deri në atë moment mendojmë se 70-80% e popullatës duhet ta ketë kaluar virusin Kovid me mënyra simptomatike apo asimptomatike"- tha ndër të tjera Tomini