Emigrantët shqiptarë në Greqi përbëjnë numrin më të lartë të huajve që kanë marrë shtetësinë greke gjatë vitit 2017. Të dhënat e publikuara së fundi nga Agjencia Evropiane e Statistikave EUROSTAT dhe që pasqyrohen gjerësisht në mediat greke flasin se 86.8% e rreth 34 305 personave që morën shtetësinë greke në 2017 ishin qytetarë shqiptarë, 1.3% ukrainas dhe 1.1% nga Moldavia. Sipas të dhënave evropiane lëshimi i shtetësisë në vitin 2017 ishte në Greqi 3% më shumë se në vitin 2016.