Janë të shumta fushatat në ndihmë të refugjatëve për tua bërë jetën sa më të lehtë, në vendin ku ata kanë vendosur të jetojnë me familjet e tyre. UNHCR ka filluar një fushatë globale "2 Miliardë Kilometra për Siguri", ku njerëzit janë të ftuar të dhurojnë kilometrat që ata vrapojnë, ecin ose pedalojnë për të mbështetur refugjatët në të gjithë botën. Sipas raportit vjetor të agjencisë së OKB për refugjatët, UNHCR, bëhet fjalë për nivelin më të lartë të regjistruar në 70 vite. Aktualisht 70,8 milionë njerëz janë në arrati. Këtij fenomeni global natyrisht nuk i ka shpëtuar as Shqipëria.