Rastet me Kovid-19 vazhdojnë të rriten edhe në shtetin helen. Debatet e javëve të fundit mes ekspertëve në shumë shtete janë fokusuar në mënyrën e testimit. Ka shtete ashtu si dhe në Shqipëri ku bëhet testimi i kontakteve të ngushta të rasteve të konfirmuara, apo testimi në vatrat e dyshuara ku pacientët shfaqin shenja të rënda klinike, por ka dhe nga ato vende që kanë shtuar ndjeshëm testimet në popullatë pa bërë një ndarje mes pacientëve simptomatikë dhe asimptomatikë. Greqia së fundmi do të nis një testim, duke marrë tamponë nëpër shtëpitë e pacientëve të dyshuar por jo vetëm kaq. Do të jetë një depistim edhe për grupet në risk, i kryer nga ekspertë të shëndetit publik. Rreth 500 epidemiologë, mjekë, specialistë të shëndetit publik do të jenë në terren për të nisur këtë testim. Megjithatë për detaje se si është situata në Greqi, a ka shqiptarë që janë infektuar apo kanë humbur jetën, masat që janë marrë aty dhe në cili është qëllimi i këtij testimi, kishim në një lidhje direkte nga Athina gazetarin e Top Channel, Artur Bibe.