Wake Up/ 28-vjeçarja nga Mamurrasi, që doli vullnetare të punonte në repartin KoVid 19 në Milano

Ka shkuar në Itali, kur ka qenë vetëm 18 - vjeç, kohë kur sapo kishte përfunduar gjimnazin në Mamurras, Laç dhe më pas zgjodhi të ndiqte studimet e larta për infermieri në Universitetin La Sapienza të Romës. Suada Prelaj është infermierja që jeton dhe punon në Milano dhe duke parë që Italia u “gjunjëzua” nga Kovid -19 dhe thuajse e gjithë bota është “paralizuar” nga ky virus, kërkoi vetë që të shërbejë në një spital ku trajtohen pacientët me koronavirusit, për t’ju dhënë ndihmën aq shumë të nevojshme mijëra pacientëve të shtruar në spital. 28 –vjeçarja nga Mamurrasi ka dashur me patjetër që ta përjetonte këtë eksperiencë mbi supet e saj dhe pas kërkesave që ka bërë si fillim e kontaktuan nga Spitali Universitar i Vimercates, Provincë e Monzas, të cilën e ka refuzuar pasi e kishte larg shtëpisë, derisa iu dha mundësia për të punuar në Spitalin Universitar San Raffaele në Milano, në repartin e Kovid – 19. Sot ajo ndau me ne këtë eksperiencë, duke qenë se çdo ditë për më shumë se 12 orë është në shërbim të infektuarve nga ky virus, përjetimet e saj dhe se përse ka dashur me patjetër ta jetojë këtë eksperiencë, për të cilën ka pasur kundra edhe familjen e saj.