Italia vazhdon të ketë numrin e të prekurve nga koronavirusi më të lartin në Europë dhe të dytin në botë, pas Kinës. Ashtu si raportohet nga mediat, sistemi shëndetësor në Itali po përballet me një gjendje kolapsi, ku mjekët prej ditësh po përballen me një numër të lartë pacientësh që kërkojnë kujdes shëndetësor, por edhe trajtim në repartet intensive. E për të izoluar përhapjen e Covid 19 autoritet italiane natyrisht që kanë filluar marrjen e masave drastike, ku tashmë qytete të tëra janë në karantinë dhe qytetarët në vetizolim në shtëpitë e tyre. Por ashtu si shumë shqiptarë që jetojnë në Itali, ka dhe nga ata që në këto momente i janë bashkuar nismave të bamirësisë, për t'i ardhur sadopak në ndihmë sistemit shëndetësor, kryesisht në zonën e Lombardisë. 11 figura të modës në Milano, Anna Dello Russo, Margherita Missoni, etj kanë ndërmarrë një nismë shumë pozitive, duke vendosur të shesin veshje nga garderobat e tyre, ndërkohë që të ardhurat do të shkojnë në ndihmë të sistemit shëndetësor për të blerë pajisje, për të cilat ka më shumë nevojë se kurrë. Kësaj nisme i është bashkuar dhe shqiptarja, Anja Tufina të cilët sot e kishim në një lidhje Skype nga Milano për të na treguar diçka më shumë rreth nismës por edhe si po përjetohet e gjithë kjo situatë nga qytetin e modës.