Borxhi i një televizori, një kredie të vogël konsumatore apo një overdraft minor mund të bëhet shkak për të humbur prona me vlerë qindra mijëra euro. Drejtësia në Shqipëri ka një tjetër hallkë të errët që ka mbajtur peng mijëra qytetarë dhe pronat e tyre: përmbaruesit gjyqësorë që nxjerrin akte të jashtëligjshme. Ekzekutimi i një titulli është veprimi i fundit në luftën që bëhet për drejtësi, por shumë herë përmbaruesit e kanë kthyer në një proces të dhimbshëm për qytetarin duke dalë mbi ligjin. Mbi 80 përmbarues gjyqësor shtetërror janë larguar nga sistemi për shkak të abuzimeve që kanë kryer në 5 vitet e fundit por përmbaruesit privat ku konstatohen abuzimet masive duket se janë të paprekshëm. Denoncimet që zbulojnë mbajtjen peng të pasurive me vlerë miliona euro dhe skemat për të vënë në zbatim planet e zhvatjes nga përmbaruesit.