Sistemi i Drejtësisë në Shqipëri, regjistroi viktimën e parë në 35 vite pluralizëm, një gjyqtar që vritet në detyrë, për detyrën. Astrit Kalaja, magjistrati i Apelit u ekzekutua nga pala që u ndje e humbur, teksa lexonte një vendim në emër të Republikës . Vrasje në një moment solemn ku plumbat e vetëgjyqësisë, i zunë vendin çekanit të drejtësisë, si mesazh i shpërthimit të një revolte antisistem që rëndoi mbi supet e një gjyqtari të vetëm. Një gjyqtar karriere, i njohur për integritetin i cili bie viktimë e një autori 30-vjeçar, aq vite sa familja e tij endej dyerve të drejtësisë për pronën. Krimi tronditës që nxorri në sipërfaqe vlimin në sistemin e drejtësisë me proceset e pronave që zgjasin pafundësisht. #AstritKalaja #GjykataApelit #gjyqtar #vrasje #Shkodër #Konflit #Prona #ElvisShkabi