Veliaj takon homologët e Podgoricës dhe Shkupit, Vukoviç-Shilegov: Tirana qytet i mrekullueshëm evropian
26/10/2019 15:19

Tirana, Podgorica dhe Shkupi hapin një faqe të re bashkëpunimi mes tyre, çka do të përkthehet shumë shpejt në projekte konkrete. Kryetari i Bashkisë së Tiranës, Erion Veliaj priti në takim kreun e Komunës së Podgoricës, Ivan Vukoviç dhe kryetarin e Bashkisë së Shkupit, Petre Shilegov, të cilët vizituan Tiranën në kuadër të punimeve të Forumit “17 + 1”, një takim mes kryebashkiakëve të kryeqyteteve të Kinës dhe vendeve të Evropës Qendrore e Lindore. Veliaj dhe dy homologët e tij nga rajoni diskutuan rreth nismave të përbashkëta në fushën e investimeve, transportit, financave, arsimit, kulturës dhe shkëmbimit të eksperiencave. Teksa përgëzoi kryebashkiakun Veliaj për punën e bërë, kryebashkiaku i Podgoricës, Ivan Vukoviç e cilësoi Tiranën një qytet të mrekullueshëm. “Jemi shumë të lumtur që jemi në një qytet dhe vend miqësor. E dimë që qeveritë tona kanë një marrëdhënie të shkëlqyer politike dhe ekonomike, jemi aleatë në NATO, dhe kjo është diçka që duam ta shtrijmë edhe në marrëdhëniet midis dy kryeqyteteve. Me punën e shkëlqyer që z. Veliaj po bën në Tiranë dhe që është një burim frymëzimi, po shohim mundësitë për ndarjen e ideve. Jam shumë i gëzuar që ndodhem në këtë qytet të mrekullueshëm, që është në ndryshim të vazhdueshëm. Sa herë që kthehem, shoh diçka krejtësisht të re, të ndryshme, ndaj përgëzime për ekipin e Tiranës”, tha Vukoviç. Kryebashkiaku Veliaj tha se dy qytetet kanë më shumë gjëra që i bashkojnë sesa i ndajnë, prandaj ka ardhur koha që ky raport special që ekziston mes qeverisë malazeze dhe asaj shqiptare, të jetë edhe në nivel lokal. “Mezi pres që të hapim një faqe të re bashkëpunimi me Podgoricën. Shumë shpejt do të kthehem në Podgoricë, jo vetëm për të kthyer vizitën, por edhe për të parë konkretisht sesi mund të punojnë skuadrat tona. Mes dy qeverive kemi një raport special, ka ardhur koha që edhe në nivelin e qeverisë lokale të pasqyrojmë të njëjtin bashkëpunim. Mezi pres që të përveshim mëngët dhe të fillojmë punën për suksesin tonë të përbashkët”, u shpreh Veliaj. Ndërsa, kryebashkiaku i Shkupit, Petre Shilegov, vlerësoi Tiranën për organizimin e Forumit “17+1” dhe shtoi se falë punës për përmirësimin e jetës së qytetarëve të tyre, Tirana dhe Shkupi po bëhen kryeqytete si ato të vendeve anëtare të Bashkimit Europian. “Ishte kënaqësi të rivizitoja Tiranën edhe njëherë brenda këtij viti. Takimi që patëm, konfirmon se qyteti i Tiranës, qyteti i Shkupit, një qytet “simotër”, me kryebashkiakë që e kuptojnë njëri-tjetrin e që ndajnë eksperienca në funksion të përmirësimit të jetës së qytetarëve të Tiranës dhe Shkupit, me bashkëpunimin midis administratave tona, besoj fuqishëm se pak nga pak, po kontribuojmë në përmirësimin e jetës së qytetarëve tanë. Po shohim se Tirana dhe Shkupi po bëhen kryeqytete si ato të vendeve që janë anëtare të NATO-s dhe Bashkimit Europian”, nënvizoi Shilegov. Nga ana e tij, Veliaj tha se pavarësisht sfidave që kanë dy vendet, Tirana dhe Shkupi janë qytete të mundësive. “Mezi pres që t’i barazojmë agjendat dhe të fillojmë edhe një garë të shëndetshme se kush i bën pak më shpejt mbjelljet e pemëve, ose transformimet urbane. Jemi në një situatë ku të dyja shtetet kanë sfida, si për integrimin europian, si për anëtarësinë tonë në NATO, por mbi të gjitha, për menaxhimin e qyteteve. Aty jetojnë njerëzit, aty ndjejnë dorën dhe fuqinë e shtetit. Unë dhe Petri jemi super të angazhuar që për komunitetet tona, qofshin këto të etnive të ndryshme, të besimeve të ndryshme, Tirana dhe Shkupi të jenë qytete të mundësive”, përfundoi Veliaj.

Top Channel/ Sherr në Shkodër, i plagosuri përfundon në spital
31/07 18:59
Top News- Goditet rrjeti kriminal i krimit kibernetik/ Zbulohet Call Center që mashtronte gjermanët
31/07 18:43
Top News – Doganat, të ardhura rekord. Arkëtuan 1.14 miliardë euro në periudhën janar-qershor
31/07 18:42
Top News – Mbështetje për të dëmtuarit nga zjarret. Prezantohet plani i masave, do blihen dy avionë
31/07 16:47
Top News- Me pranga në duar në Gjykatë, Selmani s’pranon akuzat për ekzekutimin e të dashurës
31/07 16:45
Top News- Dumani i përgjigjet Veliajt, flet për të tjera hetime
31/07 16:10
Top Channel/ Paketë mbështetëse për zjarret, Ministrat Hoxha, Vëngu e Denaj: Mbështetje për dëmet
31/07 15:33
Top Channel/ Rruga nuk po pastrohet, në autostradën Tiranë-Durrës bizneset nuk po çmontojnë
31/07 15:30
Top Channel/ “Largoni rraqet”, po bëhet verifikimi i bizneseve që kanë shkelur hapësirën
31/07 15:27
Top Channel/ SPAK, rezerva për Kodin e ri Penal, Dumani flet për kallëzimet e zgjedhjeve: Indicie…
31/07 15:21
Top Channel/ U la në burg, momenti kur i dyshuari i vr*sjes në Pogradec lë ambientet e gjykatës
31/07 14:45
Top Channel/ PS e PD kundër qytetarëve, votojnë parkun fotovoltaik! Banorët përplasen me policinë
31/07 14:42
Top Channel/ Vr*u partneren dhe i vuri flakën shtëpisë! Avokati: Nuk ka prova që e fajësojnë
31/07 14:36
Top Channel/ Dëmet nga zjarret/ Ministrat Hoxha dhe Vengu: Qeveria do ofrojë paketë mbështetëse…
31/07 14:35
Top Channel/ ‘Do investojmë në kapacitete ajrore’, Vengu:Për parandalimin e zjarreve Inovacioni i…
31/07 14:04
Top News – Ndryshime në Bashkinë e Tiranës. Lirohen nga detyra nënkryetarët, qëndron Ristani
31/07 13:26
Top News- Krimet Zgjedhore, 39 raste në hetim/ Dumani: Partitë kallëzime për ‘asfalt elektoral’
31/07 13:15
Top News – Drafti për Kodin e ri Penal. Dumani: Nuk jemi përfshirë në hartimin e tij
31/07 13:14
Top News- I dënuar me 4 vite e 8 muaj burg/ Kapet 43-vjeçari në Krujë, kultivoi drogë
31/07 13:13
Top Channel/ Dy të arrestuar për aksidentin, shkaktuan vd*kjen e dy bashkëshortëve në Borsh
31/07 12:38