Një lëvizje e ditëve të fundit nga SPAK ka goditur fortë themelet e krimit të organizuar në Shqipëri ku GJKKO ka lëshuar plot 50 urdhër arreste për personazhet e botës së krimit dhe zyrtarë policie. Deri më tani në total janë arrestuar 20 persona, nga të cilët 14 janë arrestuar në Shqipëri, 2 në Itali, 2 në Belgjikë, 1 në Spanjë dhe 1 në Gjermani. Janë 7 grupe kriminale që janë goditur nga ky operacion, të cilët kishin shtrirje gjeografike të aktivitetit të tyre në disa nga qytetet kryesore të vendit si Tiranë, Durrës, Vlorë, Lezhë e Fushë Krujë. Sipas burimeve të gazetares së Top Channel, Anila Hoxha, hetimet nisën pas transkriptimeve të bisedave përmes kodeve në aplikacionet Sky ECC që përdoreshin nga personazhet e botës së krimit në vendin tonë. Gazetar: Orest Floku Çdo ditë në një transmetim live do të vinë ngjarje të aktualitet, fenomene histori njerëzore, por edhe ngjarje të bujshme, ku program do të thellohet në to për të sjellë ekskluzive protagonistët e tyre. Lidhje direkte nga e gjithë Shqipëria. Dinamika e jetës shqiptare do të jetë çdo ditë në ekranin e Top Channel. Prezantojnë: Erjona Rusi & Arjon Muça Autore: Eralda Kenaj