Restorantet, hotelet dhe bujtinat në Gjirokastër u përballën këtë vit me një fluks të ndryshëm vizitorësh në raport me vitet e kaluara. Sezoni sigurisht që ishte i dobët, por ka qenë edhe një periudhë reflektimi për ofertën, për të gjetur pikat e dobëta dhe për të nxitur kreativitetin në kulinari dhe shërbime. Manjola Shehaj çeli një restorant të vogël në pazar pikërisht gjatë pandemisë. Mungesat në personel të kualifikuar që nga administratorët e bizneseve, shefat e kuzhinave, kamarierët, recepsionistët janë mes problemeve kryesore që bizneset po hasin prej vitesh. “Visit Gjirokastra” (“Vizito Gjirokastrën”) është duke mundësuar takime të ekspertëve të fushës me bizneset për të nxitur një frymë të re të mikpritjes, shërbimeve dhe gatimit dhe sigurisë ushqimore që do të ishte në harmoni me potencialin turistik të Gjirokastrës si qark.