Artan Grubi ish zv. kryeministër i Maqedonisë së Veriut nga radhët e BDI-së dhe Enver Bexheti, gjyqtar në Gjykatën e Apelit në vendin fqinj janë tashmë në listën e zezë të Departamentit Amerikan të Shtetit. Sipas njoftimit zyrtar të DASH ata konsiderohen të përfshirë në korrupsion të konsiderueshëm duke prauar ryshfet për të minuar proceset gjyqësore të lidhura me dënimin penal të Sasho Mijallkov, Drejtorisë për Siguri të Maqedonisë së Veriut dhe Kundërzbulimit. Ndërsa Enver Bexheti, gjykatës raportues në Apel për rasti e Mijalkov akuzohej se me muaj e mbante në sirtar rastin.Vendimi i DASH-it për Grubin dhe Bexhetin vjen rreth një muaj pasi ambasadorja amerikane në Shkup, Angela Ageler, paralajmëroi më 21 nëntor për zgjerimin e listës së zezë edhe me persona të tjetër të dyshuar për krim dhe korrupsion në Maqedoninë e Veriut. Ajo që mbetet me interes për gjithë vendet e Ballkanit, për tu parë pas janarit 2025 është se a do të ketë ndryshime sa i takon listës së zezë së SHBA dhe personave "non grata" në administratën Trump?