Në Shkodër, tre të moshuar mbeten për dy muaj pa të vetmet të ardhura jetike – pensionet. Një qytetar denoncon në Fiks Fare se prindërit e tij dhe një familjare tjetër nuk kanë marrë pagesat që prej muajit shkurt, edhe pse pensionet u silleshin rregullisht në shtëpi nga postieri. Pas ndërhyrjes së gazetarëve, zbulohet se postieri kishte mbajtur për vete pensionet për dy muaj rresht. Fillimisht ai mundohet të justifikohet dhe premton t’i kthejë paratë, por gjatë ballafaqimit pranon abuzimin dhe kërkon falje. Rasti ngre shqetësime serioze mbi kontrollin e institucioneve dhe sigurinë e pensioneve, të cilat për shumë të moshuar janë e vetmja mënyrë jetese. Ndërhyrja e Fiks Fare bëri të mundur zbardhjen e së vërtetës dhe rikthimin e të drejtave për pensionistët.