Në këtë dokumentar, Top Story transmeton pjesën e dytë të dokumentarit mbi trafikun e arabëve në Shqipëri. Fakte të reja dalin në dritë që implikojnë në këtë trafik edhe zyrtarë të lartë të policisë së shtetit. Një investigim i thelluar nxjerr në dritë fakte të reja se si abuzohet në drejtorinë e policisë kufitare dhe të emigracionit me lejen e qëndrimit në vendin tonë. Përmes dokumenteve dhe videove ekskluzive “Top Story” tregon se si pas trafikantëve të rëndomtë qëndrojnë familjarë të zyrtarëve të lartë të policisë. Ata janë në fakt grosistët e këtij tregu që komandojnë nga lart të gjithë trafikantët e tjerë. Video që dëshmojnë se si familjarët e zyrtarëve të policisë, bëjnë marketing ndërkombëtar. Ata reklamojnë veten dhe hyjnë në pazare të pista madje edhe me ambasadorë të shteteve arabe. E gjitha kjo vetëm për të fituar sa më shumë klientë. Ata i sjellin në Shqipëri duke iu hapur biznese fantazmë dhe më pas i përcjellin drejtë Evropës.