Ministrja për Evropën dhe Punët e Jashtme, Olta Xhaçka u takua me homologun Sllovak, Ivan Korčok. Gjatë takimit ministrja Xhaçka vlerësoi Sllovakinë për mbështetjen e vazhdueshme që i ka dhënë proceseve integruese të Shqipërisë. Sipas saj, hapja e negociatave do të përbënte një vlerësim të merituar të Shqipërisë. kryediplomatja shqiptare e njohu ministrin e Jashtëm sllovak me reformat e ndërmarra nga qeveria shqiptare. Ministrja Xhaç i kërkoi homologut sllovak që të shohin mundësinë e lejimit të një zyre përfaqësimi të Kosovës në Bratislavë. Sipas ministres Xhaçka, kjo do të shërbente si një tregues i vullnetit të mirë dhe i mbështetjes së procesit aq të vështirë të dialogut mes Kosovës e Serbisë. Sa i takon çështjes së Kosovës, ministri Korčok deklaroi se po ndiqet nga afër dialogu Kosovë-Prishtinë. “Z.Lajcak po bën gjithçka për të arritur zgjidhjen e duhur”, tha ai pas takimit. Korčok, tha se Sllovakia po i kushton rëndësi çështjes së integrimit të Ballkanit Perëndimor në BE. “Dua t’ju përgëzoj për ecurinë dhe progresin e dukshëm. Shpresoj që si Shqipëria dhe Maqedonia e Veriut, gjatë presidencës portugeze, të marrin miratimin për hapjen e konferencës së I-re ndërqeveritare”, u shpreh ai. Gjatë takimit minstri sllokav dorëzoi edhe ndihmën prej 30 mijë eurosh për një nga spitalet Covid në Shqipëri, në shenjë solidariteti në luftën ndaj pandemisë globale “COVID 19”.