Shtete e bashkuara dhe nato përballë Rusisë mbajnë pozicione "krejtësisht të ndryshme". Kremlini e thotë këtë pas një jave bisedimesh dukshëm të pasuksesshme që kanë qenë të përqendruara mbi të gjitha në krizën ukrainase. Rusia dhe vendet perëndimore mbeten në "pozicione krejtësisht të ndryshme. Dhe kjo nuk është e mirë, është shqetësuese por dhe e rrezikshme", tha zëdhënësi i Kremlinit, Dmitri Peskov. "Ne duam ta zgjidhim problemin: ka shumë tension në kufirin" me Ukrainën dhe "në këtë pjesë të Evropës. Dhe kjo shkakton probleme të mëtejshme dhe është shumë e rrezikshme për kontinentin tonë. Kjo është arsyeja pse ne këmbëngulim të marrim përgjigje të drejtpërdrejta për shqetësimet tona. Përgjigje jashtëzakonisht specifike për propozimet tona jashtëzakonisht specifike." tha zëdhënësi i Kremlinit.