Kryeministri Edi Rama priti në një takim zv/Sekretaren amerikane të Shtetit për Arsimin dhe Kulturën e cila ndodhet për një vizitë në vendin tonë. Në prononcimin e saj të shkurtër, Marie Royce foli për bukuritë natyrore të Shqipërisë e premtoi që dhe më shumë amerikanë të vijnë këtu në të ardhmen dhe Rama e kishte gati pergjigjen: sipas tij, ata do të kenë mjaft cfarë të mësojnë nga kultura shqiptare. Ai nuk harroi sakaq të lavdëronte ambasadoren Yuri Kim për energjinë e saj dhe vullnetin per te ndihmuar. Në fjalën e vet, kreu I ekzekutivit, e bëri dhe një batutë për motin. ”Një pjesë nxënësish shqiptar përfitojnë nga programet tuaja, ka dhe më shumë shqiptarë që përfitojnë në Shqipëri, dhe mendoj se ka shumë gjëra të tjera, dhe mendoj se vizita juaj të ndihmojë më shumë në këtë aspekt. Ka shumë gjëra fantastike për të mësuar nga SHBA në fushat e arsimit e kulturës. Më besoni, nuk janë pak, ato që mund të mësoni nga kultura jonë. Kultura është një sferë ku SHBA ka shumë për të mësuar ende nga vendet e tjera dhe kultura e tyre më e vjetër dhe komplekse Ambasadorja juaj ka sjellë më shumë energji dhe vullnet për të ndihmuar. Ja kalofshi mirë, mezi e kthyem diellin dhe e kemi këtu për ju, shijojeni”. Zyrtaren e lartë e priti dhe presidenti Ilir Meta, I cili u shpreh se e vlerëson lart rëndësinë që ka vizita e saj për të konsoliduar e forcuar më tej marrëdhëniet tona në fushën e arsimit dhe të kulturës. “Duhet të synojmë, që sa më shumë studentë shqiptarë të arsimohen e edukohen në SHBA, por njëkohësisht, edhe krijimin e kushteve që ata të kthehen në vendin e tyre, për t’u bërë liderët e ardhshëm të tij. Bashkëpunimi në fushat e arsimit dhe të kulturës ndërmjet Shqipërisë dhe SHBA do t’i shërbejë së ardhmes të vendit tonë dhe do të promovojë mirëkuptimin ndërkulturor, si një mundësi reale për të afruar më shumë popujt tanë”, tha kreu I shtetit.