Partia Demokratike e Rithemelimit publikoi të mërkurën 6 kandidatë për procesin e primareve, si mënyrë për gjetjen e një kandidati konsensual dhe të gjithë pranuar nga baza e partisë për zgjedhjet e 24 shtatorit. Mes 6 emrave është edhe ai i Arif Rexhmatit, i cili është edhe kryetari i Partisë Demokratike zyrtare Dega Kukës, si dhe kandidati më i përfolur nga PD e drejtuar nga Lulzim Basha. Por pëballë këtij fakti, vetë Rexhmati ka reaguar dhe është shprehur se nuk është dakord me procesin e primareve, pasi sipas tij përveç faktit se është vonë për një proces të tillë, votimi do të krijojë akoma edhe më shumë përçarje mes demokratëve, çka do të ju vështirësojë përballjen me rivalin socialist Alb ert Halilaj, i cili vjen do të tentojë të marrë besimin e kuksianëve pas dëmtimit moral të PS-së nga ish-kryebashkiaku Safet Gjici.