160 zjarre janë regjistruar në të gjithë vendin nga 22 qershori, duke prekur sipërfaqe me bimësi, pyjë dhe zona me mbetje urbane. Detajet i dha drejtori i përgjithshëm i Agjencinë Kombëtare të Mbrojtjes Civile, Haki Çako gjatë një takimi për masat e marra në sezonin e zjarreve. “ Ditët e para të muajit qershor dhe të muajit korrik, me temperatura të konsiderueshme kanë vënë në provë dhe në test, një angazhim të strukturave vendore, rajonale, por edhe kombëtare, të cilat janë suportuar nga të gjitha strukturat që janë prezent këtu, sikurse janë Policia e Shtetit, Mbrojtja nga Zjarri dhe Shpëtimi, Forcat e Armatosura, Urgjenca Mjekësore dhe njësi të tjera, të cilat janë në mbështetje me menaxhimin e këtyre zjarreve. Më duhet të theksoj se gjatë periudhës 22 qershor deri në ditën e sotme janë evidentuar dhe regjistruar 160 zjarre, nga të cilat 127 raste në sipërfaqe me bimësie, shkurre, ferra, pyje dhe mbetje urbane dhe 33 raste kanë qenë zjarre urbane, të cilat janë menaxhuar nga Mbrojtja nga Zjarri dhe nga Shpëtimi” Agjencinë Kombëtare e Mbrojtjes Civile përsërit apelin drejtuar qytetarëve të tregojnë kujdes maksimal gjatë këtyre ditëve me temperatura të larta dhe risk të shtuar për zjarre. Çdo zjarr i ndezur në natyrë, çdo djegie mbetjesh, barishtesh apo materialesh të tjera mund të përhapet me shpejtësi dhe të kthehet në rrezik për jetë njerëzish, banesa, pyje, kullota dhe mjedisin.