Skandali me publikimin e pagave të më shumë se 650 mijë qytetarëve shqiptar vijon të jetë një nga temat më të nxehta prej më shumë se dy javësh, ku hetimet lidhur me këtë cështje nuk kanë ndaluar nga SPAK prej ditësh. Këtë të premte katër persona u vunë në pranga si të dyshuar kryesorë në lidhje me publikimin e pagave. Të arresuarit janë Eni Qirjako, Andi Agaraj, Klodian Sota dhe Endri Ikonomi. Ky i fundit rezulton se është i punësuar në një kompani e cila drejtohet nga një miliarder rus. Kompania Credit 2 All sipas QKB-së është e specializuar në konsulencë financiare dhe në produktet elektronike në këtë fushë. Oleg Boyko thuhet se ka blerë 100 përqind të aksioneve të kësaj kompanie në vitin 2018 nga pronari isaj I mëparshëm. Sa i përket Endri Ikonomit, ky i fundit rezulton se ka punuar për këtë kompani deri më 17 shtator të vitit që lam pas. 57 vjecari Oleg Boyko rezulton të jetë në listën e një prej 100 persopnave më të pasur në Rusi. Pasuria e tij e deklaruar kap shifrën marramendëse 1.3 miliardë dollar, ndërsa prej 30 vitesh ai është investitor ndërkombëtar në industrinë bankare dhe shërbimet digjitale financiare, si dhe drejtues i Finstar Financial Group. Mediat ruse shprehen për miliarderin se ai së bashku me një partner në Letoni e kanë përdorur Maltën si parajsë fiskale për të operuar në Evropë dhe SHBA ndërsa kanë fituar shuma marramendëse nga kreditë e shpejta tek më të varfrit e Evropës duke iu shmangur taksave.