Katër punonjës të kompanisë ‘Albpetrol’ janë vënë në pranga nga policia e Fierit për shpërdorim detyre. Policia bën me dije se të asrrestuarit vidhinin naftë dhe ujë teknologjik të marrë në depozitat e Usojës. Në prangat e efektivëve kanë rënë Arjan Kallashi, me detyrë kryetar i degës teknike 'Albpetrol', Dilaver Idrizaj dhe Dashamir Merkaj, punonjës të Task forcës në 'Albpetrol' dhe Selami Rustemi, përgjegjës për mbarëvajtjen e pompimit pranë puseve të naftës. Sipas informacioneve të policisë, ata kanë vjedhur naftë bruto me autobuzë të cilët përdoren për pompimin e ujit në shtresat e nëntokës. Këta persona fillimisht u shoqëruan në komisariat së bashku me mjetet e tyre si të dyshuar që mund të kishin lidhje me skemën e vjedhjes të naftës bruto në zonën naftëmbajtëse Visokë-Qafë Kash, nën administrimin e Albpetrol. Ata ishin nëm hetim për disa orë ndësa policia solli njoftim zyrtar për të konfirmaur dyshimet e ngritura. Materialet do i kalojnë për veprime të mëtejshme Prokurorisë pranë Gjykatës së Shkallës së Parë Fier për veprën penale "Shpërdorimi i detyrës".