Zyra e Bashkimit Evropian në Kosovë ka reaguar kundrejt qasjes së kryeministrit Albin Kurti ndaj Gjykatës Kushtetuese, i cili tha gjatë javës së shkuar se Gjykata po vonon dhe rrëzon ligjet, me qëllim bllokimin e reformave pozitive dhe progresiste. “Gjykata Kushtetuese ka një rol themelor për të siguruar supremacinë e Kushtetutës dhe për të mbrojtur të drejtat dhe parimet themelore në të’, ka reguar zyra e Bashkimit Europian. Me tej nënvizoi se ‘Gjykata Kushtetuese duhet të jetë e pavarur dhe e lirë nga presioni politik, është gjithashtu e nevojshme të theksohet se gjyqësori nuk është imun ndaj shqyrtimit apo diskutimit të hapur me kusht që të jetë konstruktiv, i balancuar dhe i bazuar mirë’. BE sqaroi me tej se Gjykata Kushtetuese është autoriteti më i lartë në shqyrtimin e ligjeve dhe se vendimet duhet të respektohen nga të gjithë për të siguruar funksionimin efektiv të ndarjes së pushteteve dhe për të forcuar sistemin e kontrollit dhe ekuilibrit. Kryeministri Kurti deklaroi javën e kaluar në mbledhjen qeveritare se Kushtetuesja po bën vendime politike duke bllokuar reformat e qeverisë, duke iu referuar Ligjit për Fondin Sovran.