Një gjyq për çështjen historike antitrust kundër gjigantit të mediave sociale Meta nis të hënën në Uashington. Organi mbikqyrës i konkurrencës dhe konsumatorit në SHBA pretendon se Meta, që tashmë zotëronte Facebook-un, bleu Instagramin në 2012 dhe ËhatsApp në 2014 për të eliminuar konkurrencën, duke i dhënë në mënyrë efektive vetes një monopol. Organi mbikqyrës shqyrtoi dhe miratoi këto blerje, por u angazhua për të monitoruar rezultatet. Nëse Komisioni Federal i Tregtisë e fiton çështjen, atëherë mund ta detyrojë CEO-n e Meta-s, Mark Zuckerberg, të shesë Instagramin dhe ËhatsApp-in. Meta më herët tha se ishte e sigurt se do të fitonte procesin ndërsa ekspertët i kanë thënë BBC-së se ka të ngjarë të argumentojnë se përdoruesit e Instagramit kanë pasur një përvojë më të mirë që kur aplikacioni u ble nga META. Zuckerberg dhe ish-shefi operativ i kompanisë, Sheryl Sandberg, pritet të dëshmojnë në gjyqin, i cili mund të zgjasë për disa javë. Çështja kundër Metës, u ngrit gjatë administratës së parë të presidentit amerikan Donald Trump, por rrezikon të politizohet gjatë mandatit të tij të dytë. Zuckerberg ka lobuar personalisht për Trumpin në mënyrë që cështja të mbyllet, sipas Ëall Street Journal. Marrëdhëniet mes Zuckerberg dhe Trump kanë qenë të ftohta pjesërisht sepse Trump u ndalua në platformat e mediave sociale të Metës pas trazirave në kongresin amerikan në janar 2021. Por që atëherë, marrëdhënia është ngrohur disi. Meta kontribuoi me 1 milion dollarë në fondin inaugurues të Trumpit në janar.