Duket akoma më e largët përballja në arte marciale mes Elon Musk e Mark Zuckerberg. Themeluesi i Facebook duket se nuk i beson më deklaratave të bosit të Teslas. Mendoj se mund të jemi të gjithë dakord se ai nuk është serioz, por është momenti për të ecur përpara – ka shkruar ai në Instagram. Ka qenë vetë Musk i pari që lëshoi sfidën duke thënë se kishte gjetur një marrëveshje me qeverinë italiane për një ndeshje epike, prej gladiatorësh. Por më pas, Zuckerberg kishte frenuar entuziazmin duke thënë se nuk ka njëd atë dhe ajo që thoshte Musk, nuk ishte diskutuar mes tyre. Dhe tani, duket se vjen edhe frenimi përfundimtar, deri në serinë e radhës...Sfida e Zuckerberg dhe Musk ka nisur prej ditësh, hidh e prit në rrjetet sociale. Por duket se Zuckerberg ka filluar të distancohet nga rivali. “I kam ofruar një takim të vërtetë, për bamirësi. Por Elon nuk ka konfirmuar asnjë datë. Më pas tha se ka nevojë për një ndërhyrje kirurgjikale dhe tani kërkon të bëjë një raund stërvitor në oborrin tim – shkruan ai...nëse Elon do të donte të caktonte me të vërtetë një datë, di ku të më gjejë. Përndryshe është momenti për të bërë përpara. Unë përqendrohem tek konkurenca me njerëz që e marrin seriozisht sportin”, përfundon Zuckerberg. Miliarderët ranë dakord për ndeshjen në qershor, duke tërhequr shumë vëmendje nga mediat. Por pavarësisht se kanë replikuar në distancë prej muajsh, asgjë konkrete nuk ka e tani madje shumëkush mendon se ndeshja nuk do të zhvillohet kurrë.