Meta ka dhuruar 1 milion dollarë për fondin e inaugurimit për Donald Trump, në një tjetër shenjë që tregon se shefi i gjigantit të teknologjisë, Mark Zuckerberg, po përpiqet të ndërtojë ura me presidentin e zgjedhur. Trump ka qenë më parë shumë kritik ndaj Zuckerberg dhe Facebook, duke e quajtur madje platformën “anti-Trump” në 2017. Por dyshja darkuan në resortin Mar-a-Lago të Trumpit në nëntor, një takim për të cilin Zuckerberg tha më pas se ishte "mirënjohës". Fondet e inaugurimit përdoren për të financuar ngjarjet dhe aktivitetet kur një president i ri merr detyrën dhe disa i konsiderojnë ato një përpjekje për të fituar favore nga një administratë e re. Meta nuk besohet të ketë bërë donacione të ngjashme për fondin e inaugurimit të Presidentit Joe Biden në 2020 ose fondin e mëparshëm të tillë të Trumpit në 2016. Marrëdhëniet midis Trump dhe Zuckerberg kanë qenë historikisht shumë pak të përzemërta. Ato u përkeqësuan veçanërisht kur Facebook dhe Instagram pezulluan llogaritë e ish-presidentit në vitin 2021, pas dhunës në kongres, më 6 janar. Që atëherë, Trump e ka quajtur madhe Facebookun një "armik të popullit". Por presidenti i zgjedhur duket se tani e ka zbutur pozicionin e tij.