Presidenti Volodymyr Zelenskiy u bëri thirrje bashkëkombasve të tij ukrainas në Pashkët Ortodokse të dielën që të bashkohen në lutje për njëri-tjetrin dhe ushtarët në vijën e frontit, duke thënë se Zoti, i cili ka një "flamur ukrainas mbi supe", do të lartësojë jetën duke mposhtur vdekjen. "Le të lutemi për njëri-tjetrin. Kur të gjithë u afruam me njëri-tjetrin, nuk ishim më të huaj," tha Zelenskiy, i veshur me një këmishë tradicionale ukrainase, të qëndrisur, dhe pantallonat e tij me të cilat jemi mësuar ta shohim, në ngjyrë kaki, në një video të postuar në aplikacionin e mesazheve Telegram. Duke qëndruar përpara Katedrales 1000-vjeçare të Shën Sofisë në Kiev, një monument shpirtëror dhe arkitekturor i besimit në vend, Zelenskiy tha se Ukraina po lufton tashmë perej 802 ditësh kundër Rusisë, në kërkim të fitores. "Dhe ne besojmë: Zoti ka një flamur ukrainas mbi supe. Pra, me një aleat të tillë, jeta patjetër do të fitojë mbi vdekjen." – tha ai.