FBI duket se ka identifikuar Zodiakun, vrasësin famëkeq serial që ka vrarë të paktën pesë persona në fund të viteve 60 në Kaliforni. Sipas Daily Mail, gazetari Thomas Colbert, pjesë e grupit investigativ Case (çejs) Breakers, ka pohuar se një burim i FBI ka konfirmuar se bëhet fjalë për Gary Francis Poste, një veteran të aeronautikës amerikane të ndarë nga jeta në 2018-ën. Figurës së Zodiakut, në 2007-ën, iu dedikua edhe një film me të njëjtin titull. Edhe në të shkuarën ishte hedhur ideja se Poste mund të ishte Zodiaku. Sipas Colbert, agjentët e FBI-së disponojnë një kampion ADN-je të pjesshme të njeriut, që e lidh atë me vrasjet. Kampion që FBI nuk e kishe ekzaminuar mjaftueshëm kur Poste ishte ende gjallë. Agjencia deri më sot ka mohuar të ketë zgjidhur rastin. Zodiaku akuzohej zyrtarisht për vrasjen e pesë personave në veri të kalifornisë, por pretendohet se numri real i vrasjeve të kryera prej tij shkon nga 20 deri në 28. Vetë vrasësi serial, ka pohuar se ka vrarë 37 persona.