Zjarri që përfshiu një sipërfaqe të konsiderueshme në pyllin me pisha të Darëzezës është riaktivizuar sërish. Sipas të dhënave nga Mbrojtja Civile, aktualisht në terren ndodhen 7 automjete zjarrfikëse me 40 efektivë, një buldozer dhe një fadromë. Por për shkak të terrenit ranor dhe përmasave të mëdha që ka marrë zjarri, situata në Darëzezë nuk është vënë ende nën kontroll. Për shkak të situatës së rënduar, është kërkuar ndërhyrja nga ajri e helikopterit Kugar të Forcës Ajrore, ndërkohë puna për shuarjen e flakëve vijon.