Po mbushen gati dy ditë që kur nisizjarri në magazinën pranë “Casa Italia”, por vatra vijon të jene edne active. Forcat zjarrfikëse kanë mundur të neutralizojnë përhapjen e flakëve, por nuk e kanë shuar plotësisht atë. Kjo e bën shumë të vështirë futjen e forcave zjarrfikëse në brendësi për të kërkuar për shefin e sigurisë së objektit 33-vjeçarin Arjan Sala, i cili sapo kishte rënë zjarri kishte ndërhyrë për ta shuar, por më pas mbeti i bllokuar në magazinë. Të enjtën në mbrëmje në ndihmë të forcave Zjarrfikëse ka shkuar edhe ushtria. Përgjatë magazinës janë hapur disa vrima, në mënyrë që të largohet tymi, por ende nuk është mundur që të ndërhyhet brenda saj për të kërkuar për 33-vjeçarin. Ekspprtët kanë pohuar se futja në magazionë përveç pranisë së flakëve dhe tymit që janë të pranishme, është rrezikshme edhe nga një faktor tjetër; plasaritja e mureve për shkak të nxehtësisë, ku ndërtesa mund të rrezikojë edhe shembjen. Shefi i sigurisë së objektit Arjan Sala ishte i pari që konstatoi zjarrin në magazinë dhe vuri alarmin duke njoftuar shërbimin zjarrfikës. Ai ka hyrë brenda në magazinë për të ndërhyrë, por përhapja e flakëve ka qenë e pamundur dhe që nga ai moment nuk dihet asgjë për fatin e tij. Familjarët e 33 vjeçarit kanë pritur me orë të tëra jashtë magazinës dhe gjatë ditës së djeshme ata kanë akuzuar strukturat shtetërore për ndërhyrje të vonuar në shuarjen e zjarrit çka sipas tyre mund të ketë shkaktuar edhe humbjen e jetës së të riut. Zjarri përvec magazinës që tashmë është e shkrumbuar plotësisht, ka shkaktuar dëme edhe në bizneset aty pranë, ku një nga të goditurat ishte edhe kompania më e madhe në treg në sistemin e kndicionim ajrimit Frigo Beair Technology.