Policia thotë se ka arrestuar dhe proceduar 29 persona nën akuzën e zjarrvënies në gjashtë javët e fundit. Gjatë 24 orëve të fundit, janë identifikuar dhe arrestuar në flagrancë 2 shtetas, ndërsa është proceduar në gjendje të lirë 1 tjetër, të dyshuar si autorë të 3 zjarrvënieve në Kavajë, Vorë dhe Mallakastër. Më konkretisht, në Kavajë policia arrestoi shtetasin S. Ç., 51 vjeç, banues në fshatin Sterbeg, pasi si pasojë e zjarrit që ndezi në sipërfaqen e tokës në pronësi të tij, u dëmtuan kullota në këtë fshat dhe 300 pemë agrumesh dhe ullinjsh. Në Vorë Vorë u arrestua shtetasin A. D., 43 vjeç, banues në fshatin Gjokaj, pasi si pasojë e zjarrit që ndezi në sipërfaqen e tokës në pronësi të një shtetasi tjetër, u dogj një sipërfaqe toke në këtë fshat, e mbjellë me dru frutorë. Në Mallakastër u arrestua një 39 vjeçar, banues në fshatin e Levanit, pasi aksidentalisht ka djegur dhjetëra pemë are në fshatin Romës. Policia thotë se praktika e gabuar dhe penalisht e ndëshkueshme e djegies së mbeturinave në toka bujqësore ose kullota përbën rrezik për përhapjen e pakontrolluar të flakëve, si dhe për dëmtimin e pronës, shëndetit dhe jetës.