Zjarri në fshatin Kakodhiq të Bashkisë Delvinë vijon ende të jetë aktiv. Forca të shumta zjarrfikëse po punojnë për izolimin e kësaj vatre që është vazhdim I zjarrit masiv që kishte përfshirë fshatin Kardhikaq në bashkinë Finiq. Në vendngjarje po operojnë forcat zjarrfikëse të bashkisë Delvinë dhe efektivë të Forcave të Armatosura. Po ashtu po vijon puna edhe për izolimin e vatrës së zjarrit pranë liqeneve të Lurës, në të bashkisë Dibër. Nga flakët është djegur një sipërfaqe e konsiderueshme me pishë, ndërsa 50 efektivë të forave të armatosura si dhe ata zonave të mbrojtura e zjarrfikës po vijojn betejën për izolimin e flakëve. Në 24 orët e fundit, sipas të dhënave nga Qendra Kombëtare Operacionale e Emergjencave Civile në Agjencinë Kombëtare të Mbrojtjes Civile u shuan 7 vatra zjarri. Autoritetet apelojnë banorët që të tregojnë kujdes dhe të mos ndezin zjarre pasi do të ndëshkohen sipas ligjit.